Antigua-Luberri Kirol Elkartea

Nor gara?
Antigua-Luberri Bostak Guraso Elkartea Donostiako Antigua eta inguruetako haur, gazte eta helduei kirol-eskaintza osasuntsu, hezitzaile eta hurbila eskaintzeko sortutako kirol elkartea gara. Gure helburu nagusia ez da soilik lehiatzea, baizik eta kirolaren bitartez talde-lana, errespetua, euskara eta lagunarteko giro paregabea sustatzea da.

Gaur egun, saskibaloiko eta futboleko sail sendoak ditugu, benjamin mailatik hasi eta senior mailaraino, ehunka jokalari biltzen dituen komunitate handi bat osatuz.

Zer bilatzen dugu?
Gure saskibaloiko eta futboleko taldeak entrenatzeko eta gidatzeko pertsona gogotsu, konprometitu eta dinamikoak bilatzen ditugu. Zure kirol-ezagutzak transmititzeko gogoa baduzu eta adin ezberdinetako kirolariekin lan egitea gogoko baduzu (haurren heziketatik hasi eta helduen lehiaketaraino), gurean daukazu lekua!

• Profila: Dagokion kirol-modalitateko entrenatzaile titulua (saskibaloia edo futbola), Beste ikasketak edo esperientziak baloratuko dira.
• Hizkuntza: Euskaraz komunikatzeko gaitasuna (gurean kirola euskaraz bizi dugu).
• Balioak: Jarrera positiboa, konpromisoa, komunikaziorako erraztasuna eta talde-kohesioa lantzeko gaitasuna.

Zer eskaintzen dizugu?
• Lan-giro hurbila, familiarra eta babes handikoa (guraso elkartearen eta komunitatearen laguntza osoa).
• Entrenatzaile gisa hazteko eta esperientzia hartzeko aukera bikaina, kirol-etapa ezberdinetan.
• Kirol-material eta instalazio egokiak saioak aurrera eramateko.
• Ordutegi moldagarriak (arratsaldez entrenamenduak eta asteburuetan partiduak).
• Konpentsazio ekonomiko egokia / kontratua (taldearen eta kategoriaren arabera).

Kontaktua:
Parte hartu nahi duzu gure proiektuan eta Antigua-Luberriko komunitatearen parte izan? Bidali zure CVa edo jarri gurekin harremanetan helbide honetan: 📩 kirola@antigua-luberri.net